| Home > Archivio > L'Angolo di Amleto > Filastròca di sfrègasela | |
| Filastròca
di sfrègasela |
|
| Co la bici
e ol necessare a i è dré a sbarcà i bancare in de l’isola di aràns per scrìv zó ü növ romàns sö e zó per mucc e vai töcc in pónta de pedài. Terrasini Terrasini! Stèss de quach garibaldini se m’ ghe rierà a imbociàla m’ rierà pò ach a’ Marsala. Per intàt a Monreàl l’ gh’ à portàt ol nòst pedàl. A Palèrmo, zó ‘n discésa, gh’ è chì l’ fà la prima imprésa: incantàt per ol paesagio a l’ se böta con coragio, co la röda, in d’öna büsa; l’ s’ è fàcc mal, domande scüsa, ma però a gh’ è de dì che no l’ gh’ ìa ‘l telefunì tecàt sö sura ‘l manüber per parlà insèm co la Grüber o con quach inemurada che a la Sip l’ éra abunada. Gnamò mia a m’ s’ è a Marsala e m’ s’ è dré amò che m’ pedala, ma ergü l’ par bèl e ciòch e no s’ trata gna de ü bròch. Nissü scólta, töcc i và, i và inante a pedalà töcc de ónda e bé a copèla i quaranta sfregasèla. Quando tòh! A la malparada ghe n’ è dés che i sbaglia strada, vinte i crèd de èss a Èna manca póch che i rìe a Lèna. La salida la se impèna ma se parte töcc insèma ‘nfilàcc zó cóme i corài; che girà che i fà i pedài. Ü l’ gh’ à fam e dù i gh’ à sit ma ol furgù a l’ è sparìt. Méno mal che gh’ è i dò sciure che al volànt zamò de ure i prenòta de mangià. Ma i ciclisti cóssa i fà? Per ol bé de sta regiù ü a l’ màia e i paga in dù. Ma no l’ è sèmper issé. Gh’ è pò a’ ergóta che l’ và bé cóme tüso a Agrigènto ch’ l’ è ü spetàcol ü portènto tat e tat che pò ‘l bidé l’ è lé prónt a scotà i pé. Quando m’ s’ è a Piassa Armerìna ghe n’ è almànch öna trentìna che i se scana za al via per combàt la giografia tat che chèl che l’ rìa per prima l’ gh’ à per prémio öna cartina col percórs sura la maglia issé fòrse no l’ se sbaglia. Gh’ è a chì l’ cönta i barselète, chì che apéna l’ vèd dò s-cète pör se póch i se capéss l’ parla inglés chèl de Varés. A m’ gh’à ‘nféna ol cicerù che l’ ispiéga e l’ fà lessiù ü tipèt che de persuna l’ parirèss pròpe a la buna ma se l’ ghe se ‘mpìa ‘l inzègn piö no l’ tas e piö se l’ tègn. No l’è miga ol professùr ma l’è ‘l nòst disegnadùr. I autiste, töte dò, i s’ è fàce dù cocò inante e indré de sto romàns a pelà banane e aràns e spètà che i rìe i spunte i sò omassì de Selinunte. In Sicilia m’ à imparàt che ol bidé l’ à d’ èss dorvàt per sorà ol deretano o se turna in aeroplano pör se a ólte ol bagn ai pé a l’ fà rima col bidé. Quando töt a l’ và vià lis gh’ è ergü che per diertìss, dato ch’ i è finìde i tóme, l’ se dièrt a sbüsà i góme prima inàcc e pò dedré. Pò se ‘n caso l’ rèsta ‘ndré per no stà ‘nsèma i rasgù l’ salta sö sura ‘l furgù per püdì fà la ulada o fà prima a sbaglià strada o a rumpìga chi laùr amò turna al professùr. Gh’ è a la tapa piö güstùsa ch’ la ghe pórta a Siracusa dóe ‘l spetàcol di culùr l’ è per töcc i curidùr. Pò i rasgù i ciàpa ‘l gul pör de mèt i ciape al sul. Ètna? Dio che stremésse. A scoltà i prìm giödésse gh’ éra squase de stremìss. Scambe töt a l’ è indàcc lis tat e tat che töcc i rìa pör de ègn fò ‘n fotografia. No ve dìghe de l’imprésa per dorvà la cineprésa. Se düsìa, quanto mai, stà sö ‘n pónta di pedài per fà zó l’inquadradüra e pò a chèsta póch sigüra. Sé perchè con chèi che i sbaglia l’ vucurìa öna mitraglia per püdì filmà la ulada de töcc chèi ch’indàa fò d’ strada e se m’ sìa töcc in fila gh’ éra scarica la pila. Dòpo töt chèsto diertìss e se töt l’ è indàcc vià lis a l’è bèl pò a’ regordà. Cèrto sé, al momènt se l’ sà s’ manderèss töt quant al diàol, ma coi gambe sóta ‘l tàol e de nòcc in del leciù turna a gala la resù. Besdìcc föra i póch impécc a m’ pedala amò contécc tanto m’ sà che i ròbe bèle i è per noter sfregasèle. Pör se me n’ à fàcc de ènd cümbinade pò a’ de spènd töta chèsta nòsta stòria l’ è finìda pròpe ‘n glòria tat che pò ‘l aeroplano m’ i speràa ch’ l’ indèss piö piano. A la fi i sfregasèla ’n del turnà amò a copèla in di brass di brae moér za i pensàa e con piassér, con progècc fàcc söi dù pé, zamò al gir del an che é. (1994
- settimana ciclista in Sicilia |
|
|
Cral Banca
Popolare di Bergamo Sez. Ciclismo - Via Tiraboschi 57 - 24122 Bergamo
| Scrivici
| Mappa Sito | Credits
|
|
 |
||
|
|
|
|
|
|
|
|
|
| Novità |
Area
Riservata
|
|
|
