L’ è squase öna setmana che pedale
sö per culine e strade de montagna
‘n d’ü paradìs de vérd, de vigne a scale,
‘n chèsta regiù ch’la par de la cucagna.

Ma dòpo de ì sötàt a pedalà,
riàt a sira e coi pé bé ‘n tèra,
l’ è ‘l có che l’ se mèt dré a regordà
i bóf de Larderèl e pò a’ Voltèra.

E ògne giornada issé inféna a sira.
Dòpo de ì fàcc ol pié de ste marvée
sènte che la crapa a la me gira
de tat ch’ l’ è piéna de sante Lössée.

Ma sta strachèssa ché no la te sdèrna
perchè de pedalà a m’ s’ è contécc;
l’ è nóma che a la fi, quando m’ se fèrma,
che i turna amò fastöde e impedimécc.

(2000 - S. Vincenzo
Settimana ciclistica in Toscana)


Amleto