In chès-ce tép che mas
a l’ ghe dà spasse ai röse,
a gh’ è quach tröss de spì
che i vé a martörià ‘l cör.

L’ è primaéra epör
söl vial di biligòrnie,
compàgn di fòie de ötörno,
i gula i nòs-cc pensér.

Despò che ol dispiassér
l’ và dré a ciapà sembiansa
èco che ol nòst pensér
a l’ turna a resbalsìss.

Per nóter tò amìs,
pör se i cór vià al galòp,
i agn no i à sbieìt
ol tép di pedalade.

Nò, no m’ i à smentegade
i bèle setimane
in Còrsica e ‘n Trentì
indóe che ü imbròi

no l’ t’ à fàcc fà ‘l Pordòi
e dóe che ògne sòsta
per té a l’ éra ü crösse,
a i éra töcc tép mórcc.

Descalàcc zó i rapórcc
te indàet de consèrva,
te se portàet inante
té sul coi tò pensér.
Nò, no l’ è piö ü mistér!
Sensóter l’ éra scrìcc
che per tüìt zó d’la bici
ghe ülìa ergót de fórt.

L’ ìa chèsta la tò sórt!
In bici, söl asfàt,
in sèla, söl steràt
lontà de ògne imbròi

per té no gh’ ìa leròi.
Difati pò ach adès
dòpo passàcc dés agn
m’ s’ è ché amò töcc con té

a regordà i bèi dé.

per il decimo anniversario di morte
di Gianni Vecchi

Amleto